O currunchiño: 2015

domingo, 7 de xuño de 2015

A nosa curta de animación: "A viaxe das bolboretas"

Como xa sabedes, este ano, os alumnos de 1º e 2º, nos embarcamos nun proxecto promovido pola Secretaría Xeral de Política Lingüística, a CRTV e a editorial OQO: Nós tamén creamos.

Neste proxecto tiñamos que realizar unha curta de animación dun conto de OQO.

Nós escollemos este, e o resultado despois dun longo proceso traballoso pero tamén moi motivador, aquí o tendes!

No noso corredor poderedes ver toda a escenografía e os personaxes.

Vos animo a entrar na web de NÓS TAMÉN CREAMOS para votar polo noso vídeo.

Todos e todas sabemos que a sociedade actual require do saber dixital, así como que as tecnoloxías son un bo medio de entretemento e mesmo un recurso educativo. Mais tamén son un recurso que precisa de pautas de control e supervisión por parte dos adultos.

Por este motivo, e por se tedes dúbidas ao respecto, comparto con vós estas dúas ligazóns, nas que poderedes ver información e consellos sobre como ensinar aos nenos e nenas a utilizar as novas tecnoloxías dun xeito responsable.

http://www.educastur.es/index.php?option=com_content&task=view&id=1187&Itemid=202

http://www.huffingtonpost.es/cris-rowan/influencia-de-la-tecnologia-ninos_b_4043967.html

http://www.de0a18.net/pdf/doc_tecno_uso_responsable_tecnologia.pdf

domingo, 22 de febreiro de 2015

mércores, 21 de xaneiro de 2015

Abre a túa porta

"Abre a túa porta" é o blog que nace co Proxecto de intercambio e convivencia que ten lugar entre o noso centro e o CEIP Isidora Riestra de Poio, e que se repite por segunda vez este ano, dado o éxito o curso pasado.

O Proxecto consiste na interrelación entre o alumnado dos dous colexios e o achegamento a través de diversas formatos textuais ou dixitais: postais, cartas, murais, vídeos, etc.

Os obxectivos son fundamentalmente dous:

- Coñecer nenos e nenas doutros contextos, neste caso pertencentes a unha zona máis rural, e por tanto, valorar a diversidade, así como adquirir habilidades sociais.

- Dar sentido á escritura, empregando textos significativos ou medios dixitais.

Este curso participan 1º, 2º e 3º nivel. E polo de agora, fixéronse dúas actividades: a presentación entre cada aula de cada nivel a través de murais e a visita dos nosos nenos e nenas ao outro centro.

Preme aquí para ver o blog ou escribe na barra de dirección:

abreatuaporta.blogspot.com